Xitoy ko‘chalarida birinchi bor rulida xavfsizlikni ta’minlovchi haydovchi va operator qo‘llab-quvvatlovisiz harakatlanadigan avtomobil paydo bo‘ldi. Tajriba Shenchjenya markazida amalga oshirilgan, unda AutoX startapining 25 ta haydovchisiz boshqariladigan avtomobili ishtirok etgan. Kelajakda undan robotaksi sifatida foydalanish rejalashtirilgan. Biroq hozircha mashinalar shahar bo‘ylab yo‘lovchilarsiz harakatlanadi, deb xabar beradi Motor.
AutoX vakilining so‘zlariga ko‘ra, bu sinovdan o‘tkazishning yangi bosqichi bo‘lib, uning doirasida avtomobil inson tomonidan nazorat qilinmaydi va u umumiy foydalanishdagi yo‘llarda harakatlanadi. Startap tajriba sifatida Xitoyning aholisi ko‘p shaharlaridan birini tanlagan.
AutoX’ga Alibaba internet-giganti yordam ko‘rsatmoqda va u Xitoyning BYD elektromobil ishlab chiqaruvchi kompaniyasi bilan hamkorlik qiladi. Startap elektrokarlari juda murakkab yo‘l ssenariylarini ham qayta ishlashga qodir XCU maxsus nazorat bloki va har qanday ob-havo sharoiti qo‘rqinchli bo‘lmagan sensorlar bilan jihozlangan.
AutoX faoliyati Xitoy bilan cheklanib qolmaydi. 2019-yilning dekabrida startap o‘zining haydovchisiz boshqariladigan avtomobillarini Kaliforniyada ham testdan o‘tkazish imkonini beradigan litsenziyaga ariza bergani ma’lum bo‘lgandi.
Avvalroq Rossiyaning “Glonass” notijoriy tashkiloti vakillari haydovchisiz boshqariladigan mahalliy tizimning yangi sinovlari boshlanganini ma’lum qilgandi.
Izoh (0)