Фарғона вилоятида Damas ва Nexia иштирокида йўл-транспорт ҳодисаси содир бўлди, дея хабар бермоқда ЙҲХББ.
Қайд этилишича, 2020 йил 1 декабрь куни соат 13:00 ларда Фарғона вилояти Бешариқ туманидан ўтган 4Р-147 автомобиль йўлининг 88-километрида Damas қайрилиб олиши натижасида у билан бир йўналишда ҳаракатланиб келган Nexia билан тўқнашув содир бўлган.
Йўл-транспорт ҳодисаси оқибатида Damas ҳайдовчиси тан жароҳатлари олиб, шифохонада вафот этган.
Мазкур ЙТҲ содир бўлишига Damas ҳайдовчисининг йўл ҳаракати қоидаларининг 53-банди (ҳайдовчи ҳаракатланишни бошлаш, йўналишни ўзгартириш ва тўхташдан олдин бажарилаётган манёвр хавфсиз эканлигига ва бошқа ҳаракат қатнашчиларига халақит бермаслигига ишонч ҳосил қилиши) талабларига риоя қилмасдан ҳаракатланганлиги сабаб бўлган.
Ҳолат юзасидан Бешариқ тумани ИИБ томонидан жиноят иши қўзғатилиб, тергов суриштирув ишлари олиб берилади.
Аввалроқ Сурхондарёда маст ҳайдовчи бошқарувидаги Nexia-3 дарахтга бориб урилиши оқибатида 2 киши ҳалок бўлгани, Сурхондарёда ҳайдовчилик гувоҳномаси бўлмаган йигит отасининг Cobalt’ида ЙТҲга учраши натижасида 22 ёшли йигит вафот этгани ҳамда Сергелида 10 ёшли болани уриб, воқеа жойидан қочиб кетган Cobalt ҳайдовчиси қўлга олингани ҳақида хабар берилганди.
Изоҳ (0)