Hindistonning Tata avtomobilsozlik kompaniyasi o‘z avtomobillarini virus va infeksiyalardan himoyalashning yangi usulini o‘ylab topdi. Sotishga mo‘ljallangan barcha mashinalar o‘z egalarini germetik plastik pufaklar ichida kutib turadi, deb xabar beradi Motor.
Kompaniya vakillarining so‘zlariga ko‘ra, “xavfsizlik pufagi” mashina zavoddan chiqib, xaridorga yetib borgunga qadar uning barcha qismini mikrob va virusdan ishonchli himoyalashni kafolatlaydi. Avtomobilni plastik konteynerga qadoqlashdan oldin u yaxshilab yuvilib, dezinfeksiya qilinadi.
Yangi xavfsizlik texnologiyasi asosida birinchi bo‘lib Tata Tiago xetchbeki sotildi. Sterillangan plasik kapsulada u dilerlik markaziga yetkazilgan.
Eslatib o‘tamiz, noyabr oxirida Mitsubishi’ning Amerikadagi ofisi dilerlik markazlari bilan hamkorlikda koronavirusga qarshi kurashning yangi usulini taklif etgandi. Endilikda mashinaning markasi va modelidan qat’i nazar, istalgan inson Diamond Premium Care xizmatidan foydalanishi va salonga AQSh Atrof-muhitni qo‘riqlash agentligi (EPA) tomonidan tasdiqlangan dezinfeksiyalovchi vositalar bilan ishlov berishi mumkin.
Izoh (0)