G‘arbiy Germaniyadagi Trir shahrida avtomobil piyodalar ustiga bostirib borishi oqibatida halok bo‘lganlar soni besh nafarga yetdi, deb yozadi “Kommersant” politsiyaga tayanib. Avvalroq to‘rt nafar qurbon haqida xabar berilgan edi.
“Besh kishi, shu jumladan, bir nafar yosh bola halok bo‘lganini tasdiqlay olamiz”, — deyiladi mahalliy politsiyaning Twitter’da bergan xabarida. Yana bir necha kishi jarohat olgan.
1-dekabr kuni Trirda avtomobil piyodalar yo‘lagida olomon ustiga bostirib borgan. Politsiyaning qayd etishicha, 51 yoshli haydovchi mast holatda bo‘lgan hamda g‘azabi yoki tajovuzkorligi tutib qolgan paytida odamlarni bosib ketgan. U ruhiy xasta bo‘lishi mumkin. Haydovchi qo‘lga olingan.
Germaniya Vazirlar Mahkamasi rasmiy vakili Shteffan Zaybert ma’lum qilishicha, hukumat “hodisadan hayajonga tushgan”. Kansler Angela Merkel mintaqa hukumati bilan aloqada ekanligini bildirdi.
Germaniya poytaxti Berlin shahrida 25-noyabr kuni ertalab mamlakat kansleri Angela Merkelning ofisi darvozasiga avtomobil kelib urilgandi, uning haydovchisi qo‘lga olingandi. Keyinroq erkakni hibsda ushlab turish yoki ruhiy kasalliklar klinikasiga jo‘natish uchun asos mavjud emasligi sababli politsiya uni qo‘yib yuborgandi.
Izoh (0)