Rossiyalik siyosatchi Aleksey Navalniy uning 27-noyabr kuni “Exo Moskvi” efirida aytgan gaplarida ekstremizmga da’vat bor-yo‘qligini aniqlash maqsadida tekshiruv o‘tkazilayotgani ma’lum bo‘lganidan keyin Instagram orqali Vladimir Putinga murojaat qildi. Quyida Meduza uning so‘zlarini keltirdi:
Ushbu postim qog‘ozga chiqarib olib kelinadigan hurmatli Vladimir Putin, tahdidlaringizga tupurdim. Pul to‘la sandig‘ingizni qo‘riqlaydigan, siz allaqachon vijdonsiz malayga aylantirgan tergovchilaringiz va sudlaringizga ham. Men o‘z so‘zlarimdan tonmayman, ekstremizm esa, bu:Navalniyning radio efirdagi chiqishi tergovchilar tomonidan tekshirilayotgani haqda 1-dekabr kuni “TASS” va “Interfaks” xabar bergan. Efirda Navalniy pandemiya davrida fuqarolarni qo‘llab-quvvatlash to‘g‘risidagi “Rossiya uchun besh qadam” (“Pyat shagov dlya Rossii”) dasturi haqida gapirgan. Siyosatchi konstitutsiyaviy tuzumni zo‘ravonlik bilan ag‘darishga chaqirganlikda gumon qilingan. Biroq aynan qaysi gaplari shunday gumon uyg‘otganiga aniqlik kiritilmagan.
- bir kishi 20 yildan ortiq hokimiyatda o‘tirib, unda qolish uchun saylovlarni soxtalashtirishi;
- uning barcha do‘stlari, qarindoshlari, hamkasblari negadir milliarderga aylanib ketishi;
- mamlakat aholisini chorak qismi kambag‘allik yoqasida ekanligi;
- sog‘liqni saqlash vayronaga aylanib, odamlar shifoxona koridorlarida vafot etishi.
“O‘z bunkerida o‘tirgan Putin” uning “Novichok” guruhiga kiruvchi modda bilan zaharlanganidan so‘ng reabilitatsiya kursini o‘tayotgan Navalniy Germaniyadan Rossiyaga qaytishini xohlamagani uchun tekshiruv o‘tkazilganini ta’kidlagan.
“Exo Moskvi”ning bosh muharriri Aleksey Venediktov ham u Rossiyaga qaytmasligi uchun qo‘rqitishga qaror qilishgan deb hisoblamoqda. U Navalniyning so‘zlarida ekstremizmga chaqiriq ko‘rmagan. Shuningdek, tekshiruv yuzasidan radiostansiyaga so‘nggi kunlarda hech kim murojaat qilmaganini ma’lum qilgan.
Rossiya Tergov qo‘mitasi esa bunday tekshiruv o‘tkazilayotganini rad etgan.
Izoh (0)