Xiaomi kompaniyasi tomonidan “aqlli” uy uchun yaratilgan deyarli barcha texnikalarni birdaniga 8 million rublga (105 ming dollar) sotib olgan ishqiboz internet foydalanuvchilari orasida keng muhokamaga sabab bo‘ldi, deb yozadi Hi-Tech.Mail.ru.
Xiaomi “aqlli” uy uchun eng ko‘p ekotizimlardan biriga ega — bular orasidan havoni namlantirgich va tozalagichlar, televizorlar, lampochka, kolonka, kameralar va boshqa ko‘plab maishiy texnikalar o‘rin olgan.
Brendning ashaddiy ishqibozlaridan biri barchasini birdaniga sotib olishga qaror qilgan ko‘rinadi. Ijtimoiy tarmoqlarda u yuzdan ortiq Xiaomi mahsulotlarini 690 ming yuanga xarid qilgani tasvirlangan chekni joylashtirgan.
Chek shu qadar uzunki, suratga olish uchun uning bir uchini sotuvchi ushlab turishga majbur bo‘lgan.
Ishqiboz hatto barcha aksiyalar va promokodlardan voz kechib, texnikalarni maksimal darajada qimmatga sotib olgan. Ushbu post ostiga qoldirilgan izohlarda hazil qilib yozishlaricha, u ushbu surat TikTok’da ko‘p ko‘rilishi orqasidan pul ishlab topadi va shundan so‘ng, yana barcha tovarlarni qaytarib beradi.
Izoh (0)