Yaponiyaning Iokogama shahrida yura oladigan ulkan robotni o‘z ichiga olgan Gundam Factory Yokohama attraksionining taqdimoti bo‘lib o‘tdi, deb xabar beradi DTF.
Loyiha mashhur Gandam anime-franshizasiga bag‘ishlangan. Attraksionning ochilishi 19-dekabr kuni bo‘lib o‘tadi.
Gandam robotining balandligi 18 metrni, og‘irligi esa 25 tonnani tashkil etadi. Robot uchun maxsus to‘liq o‘lchamli dok-stapel qurilgan.
Ushbu attraksion shaharning barcha aholisi uchun 31-martga qadar ochiq bo‘ladi. Kattalar uchun chiptalar 16 dollar, 7 yoshdan 12 yoshgacha bo‘lgan bolalar uchun — 10 dollardan.
Avvalroq Yaponiyada yolg‘iz insonlar uchun robot-qo‘l yaratilgani, shuningdek, Disney xuddi insonnikiga o‘xshash ko‘zlarga ega robotini namoyish etgani to‘g‘risida xabar berilgandi.
Izoh (0)