Atirgullardan yasalgan ulkan yurak, sharlar va serenada: Munisa Rizayevaning sirli oshig‘i uni har kuni hayratlantirmoqda (video)

Xonanda Munisa Rizayeva sirli oshig‘i tomonidan har kuni uyi oldida tayyorlanayotgan syurprizlar videosi bilan bo‘lishib bormoqda.

Birinchi videoda Munisaning eshigi oldida atirgul yaproqlaridan yasalgan yurak, uning ichida shamlar bilan Munisa so‘zi yasalgani hamda yurakcha shaklidagi sharlar ilinganini ko‘rish mumkin. Munisa Rizayeva ushbu syurprizdan hayratlanganini bildirib, folloverlaridan “Unga turmushga chiqaymi yoki yo‘qmi?” deb so‘ragan.

Ikkinchi videoda esa xonandaning uyi oldida atirgulli katta yurak hamda unga atab serenada kuylanayotgani aks etgan. “Uyga kelsam, meni mana shunday go‘zallik kutayotgan ekan”, — deydi Munisa Rizayeva.

Shuningdek, ijtimoiy tarmoqlarda Munisa Rizayeva ishtirokidagi yana bir video tarqaldi. Unda xonandaning restorandagi xizmatga shoshib kirib kelayotgani, uning yonidagi yordamchilari yo‘lda turgan yigitni itarib yuborgani, xonandaning esa undan madaniyat bilan uzr so‘ragani aks etgan.