Futbol bo‘yicha Angliya Premyer Ligasining 10-turida “Manchester Siti” 28-noyabr, shanba kuni “Byornli”ga qarshi bahs olib bordi.
Uchrashuvning 6-daqiqasida Riyod Mahrez “shaharliklar”ni oldinga olib chiqqan bo‘lsa, 22-daqiqada jazoirlik futbolchi dulbini nishonladi. Birinchi bo‘lim yakunlanishi arafasida Benjamen Mendi hisobni yirik ko‘rinishga olib keldi.
Ikkinchi bo‘limda mezbonlar yana ikki bor raqib darvozasiga yo‘l topdi. 66-daqiqada Ferran Torres jamoasining to‘rtinchi golini urgan bo‘lsa, oradan uch daqiqa o‘tib, Mahrez het-trik qayd etgan holda yakuniy hisobni o‘rnatdi.
Shu tariqa Pep Gvardiola jamoasining ochkolari 15 taga yetdi va “Siti” 8-o‘ringa ko‘tarildi. “Byornli” (5) 17-pog‘onada bormoqda.
APL
10-tur bahsi
28-noyabr, shanba
“Manchester Siti” — “Byornli” 5:0
Gollar: 1:0 – 6 Mahrez, 2:0 – 22 Mahrez, 3:0 – 41 Mendi, 4:0 – 66 Ferran Torres, 5:0 – 69 Mahrez.“Manchester Siti”: Ederson, Mendi, Uoker, Ruben Diash (Erik Garsiya, 70), Stounz, Rodri (Fernandinyo, 46), Gundo‘g‘an, Ferran Torres (Foden, 67), de Bryuyne, Mahrez, Gabriel Jezus.
“Byornli”: Pikok-Farrell, Louton, Teylor, Tarkovski, Mi, Benson, Vestvud, Maknil, Barns (Vыdra, 81), Vud (Piters, 67), Rodriges.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)