Футбол бўйича Англия Премьер Лигасининг 10-турида «Манчестер Сити» 28 ноябрь, шанба куни «Бёрнли»га қарши баҳс олиб борди.
Учрашувнинг 6-дақиқасида Риёд Маҳрез «шаҳарликлар»ни олдинга олиб чиққан бўлса, 22-дақиқада жазоирлик футболчи дулбини нишонлади. Биринчи бўлим якунланиши арафасида Бенжамен Менди ҳисобни йирик кўринишга олиб келди.
Иккинчи бўлимда мезбонлар яна икки бор рақиб дарвозасига йўл топди. 66-дақиқада Ферран Торрес жамоасининг тўртинчи голини урган бўлса, орадан уч дақиқа ўтиб, Маҳрез ҳет-трик қайд этган ҳолда якуний ҳисобни ўрнатди.
Шу тариқа Пеп Гвардиола жамоасининг очколари 15 тага етди ва «Сити» 8-ўринга кўтарилди. «Бёрнли» (5) 17-поғонада бормоқда.
АПЛ
10-тур баҳси
28 ноябрь, шанба
«Манчестер Сити» — «Бёрнли» 5:0
Голлар: 1:0 – 6 Маҳрез, 2:0 – 22 Маҳрез, 3:0 – 41 Менди, 4:0 – 66 Ферран Торрес, 5:0 – 69 Маҳрез.«Манчестер Сити»: Эдерсон, Менди, Уокер, Рубен Диаш (Эрик Гарсия, 70), Стоунз, Родри (Фернандиньо, 46), Гундўған, Ферран Торрес (Фоден, 67), де Брюйне, Маҳрез, Габриэль Жезус.
«Бёрнли»: Пикок-Фаррелл, Лоутон, Тэйлор, Тарковски, Ми, Бенсон, Вествуд, Макнил, Барнс (Vыдра, 81), Вуд (Питерс, 67), Родригес.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)