Boks bo‘yicha to‘rtta vazn toifasi sobiq chempioni Roy Jons yaqin orada UFC sobiq chempioni Anderson Silva bilan jang qilishi mumkin. Bu haqda sharhlovchi Deymon Martin xabar qildi.
“Roy Jonsning aytishicha, agar Taysonga qarshi jang ko‘ngildagidek o‘tadigan bo‘lsa, u Anderson Silva bilan boks qoidalari bo‘yicha jang qilishga tayyor”, — deydi Deymon.
Ma’lumot uchun Anderson Silva MMA’da 46 ta jang o‘tkazib, ularning 34 tasida g‘alaba qozongan va 11 bor mag‘lubiyatga uchragan. Yana bir bellashuv natijasi bekor qilingan. U so‘nggi jangini 2020-yilning 31-oktabrida Yurayya Hollga qarshi o‘tkazib, nokautga uchradi. Bu braziliyalik yakkakurashchining MMA’dagi so‘nggi jangi edi.
Eslatib o‘tamiz, 54 yoshli Tayson va 51 yoshli Jons o‘rtasidagi jang Toshkent vaqti bilan 29-noyabr tongi soat 08:00—09:00 oralig‘ida boshlanadi.
Mayk Tayson va Roy Jons o‘rtasidagi jangni bu yerda ko‘rish mumkin — havola.
Izoh (0)