Amerikaning Moderna biotexnologiya kompaniyasi koronavirusga qarshi vaksinasini ikki kun ichida yaratgan, deb xabar beradi Inc.
Spot’ning yozishicha, hozirda Moderna vaksinasi 94,5 foiz holatda samaradorlik ko‘rsatmoqda, Yevropa komissiyasi esa o‘z mamlakatlariga uni yetkazib berish bo‘yicha shartnomalarni ma’qullagan. Kompaniyadagilarning aytishicha, vaksina yanvar oyida ikki kun ichida, butun dunyo koronavirus haqida endi xabar topayotgan vaqtda yaratilgan.
“Bu Moderna’ga asos solingan vaqtda e’tibor qaratilgan RNK (mRNKA) texnologiyasi sharofati bilan amalga oshirildi. Messenger RNA — bu hujayralarga oqsilni qanday ishlab chiqarish haqida xabar beradigan genetik material. Hosil bo‘lgan oqsil koronavirusning hujayralarga birikishiga yordam beradi, antitana esa virusni nishonga oladi va zararsizlantiradi. Moderna vaksinasi organizm o‘simtali oqsilni ishlab chiqarishini rag‘batlantiradi — bu esa o‘z navbatida immun javobini hosil qiladi”, — deyiladi xabarda.
Pfizer vaksinasi ham ushbu model asosida ishlaydi. Ushbu texnologiyadan foydalanilgani sabab Pfizer va Moderna’ga vaksinani yaratish uchun faqatgina koronavirusning genetik ketma-ketligi kerak bo‘lgan, xolos — tirik viruslarni laboratoriyalarda yetishtirish zarurati bo‘lmagan.
Bu ular qanday qilib o‘z vaksinalarini rekord darajada tez muddatda yaratganiga izoh bo‘la oladi. Odatda vaksinani yaratish klinik sinovlarsiz bir necha yil talab etadi.
Mavzuga doir:
Rossiyaning koronavirusga qarshi “Sputnik V” vaksinasi samaradorligi 95 foizdan oshgani ma’lum qilingan. Uning ikkita dozasi narxi xalqaro bozor uchun, taxminan, 20 dollarni tashkil qiladi, rossiyaliklar uchun vaksina bepul bo‘ladi.
Izoh (0)