Moderna қандай қилиб коронавирусга қарши вакцинани 2 кун ичида яратди?

Американинг Moderna биотехнология компанияси коронавирусга қарши вакцинасини икки кун ичида яратган, деб хабар беради Inc.

Spot’нинг ёзишича, ҳозирда Moderna вакцинаси 94,5 фоиз ҳолатда самарадорлик кўрсатмоқда, Европа комиссияси эса ўз мамлакатларига уни етказиб бериш бўйича шартномаларни маъқуллаган. Компаниядагиларнинг айтишича, вакцина январь ойида икки кун ичида, бутун дунё коронавирус ҳақида энди хабар топаётган вақтда яратилган.

«Бу Moderna’га асос солинган вақтда эътибор қаратилган РНК (мРНКА) технологияси шарофати билан амалга оширилди. Messenger РНА — бу ҳужайраларга оқсилни қандай ишлаб чиқариш ҳақида хабар берадиган генетик материал. Ҳосил бўлган оқсил коронавируснинг ҳужайраларга бирикишига ёрдам беради, антитана эса вирусни нишонга олади ва зарарсизлантиради. Moderna вакцинаси организм ўсимтали оқсилни ишлаб чиқаришини рағбатлантиради — бу эса ўз навбатида иммун жавобини ҳосил қилади», — дейилади хабарда.

Pfizer вакцинаси ҳам ушбу модель асосида ишлайди. Ушбу технологиядан фойдаланилгани сабаб Pfizer ва Moderna’га вакцинани яратиш учун фақатгина коронавируснинг генетик кетма-кетлиги керак бўлган, холос — тирик вирусларни лабораторияларда етиштириш зарурати бўлмаган.

Бу улар қандай қилиб ўз вакциналарини рекорд даражада тез муддатда яратганига изоҳ бўла олади. Одатда вакцинани яратиш клиник синовларсиз бир неча йил талаб этади.

Россиянинг коронавирусга қарши «Sputnik V» вакцинаси самарадорлиги 95 фоиздан ошгани маълум қилинган. Унинг иккита дозаси нархи халқаро бозор учун, тахминан, 20 долларни ташкил қилади, россияликлар учун вакцина бепул бўлади.