Yashnobod tumanining ayrim joylarida 24-noyabr kuni gaz ta’minoti vaqtincha o‘chirildi. Bu haqda “Hududgaz Poytaxt” GTFga tayanib, tuman hokimligi matbuot xizmati xabar berdi.
Ma’lum qilinishicha, 24-noyabr kuni soat 09:00 dan 17:00 ga qadar “Hududgaz Poytaxt” GTF “Yashnobodtumangaz” ta’minoti bo‘limi tomonidan tumanning “Olmos” MFYdagi o‘rta bosimli gaz quvurida ta’mirlash ishlari amalga oshirilmoqda.
Shu munosabat bilan Yashnobod tumani “Olmos” MFYdagi 500 ta yerli aholi xonadonlari hamda 4 ta ulgurji iste’molchilar tabiiy gaz ta’minotidan vaqtinchalik to‘xtatilgan. Ta’kidlanishicha, ta’mirlash ishlaridan so‘ng tabiiy gaz ta’minoti qayta tiklanadi.
“Ta’mirlash ishlari tufayli yetkazilayotgan noqulayliklar uchun aholi va gaz iste’molchilaridan uzr so‘raymiz”, — deyiladi xabarda.
Avvalroq Mirzo Ulug‘bek tumanining bir qismi TTZdagi qozonxonada yuzaga kelgan avariya sabab issiqlik ta’minotidan vaqtincha uzilgani, Uchtepa tumanining ayrim joylarida 23-noyabr kuni ichimlik suvi ta’minoti vaqtincha o‘chirilgani to‘g‘risida xabar berilgandi.
Izoh (0)