Toshkent viloyatidan Toshkent hayvonot bog‘iga pushti pelikan olib kelindi, deya xabar bermoqda bog‘ matbuot xizmati.
Ma’lum qilinishicha, qush elektr simlariga urilib, yerga qulab tushgan. Kuzgi ko‘chish paytida qush zaiflashgan va turdoshlaridan ortda qolib ketgani taxmin qilinmoqda.
Pushti pelikan O‘zbekistonning Qizil kitobiga kiritilgan va mamlakat hududida – Janubiy Orol dengizi mintaqasida, Amudaryo, Zarafshon va Sirdaryo havzalarida yashaydi.
“Pelikanlar oq pushti ranglari bilan mashhurdirlar, ammo bizning pelikanimiz hali ham o‘spirin ekan, shuning uning rangi kulrang-jigar rangga yaqin. Ammo tez orada, u organizmi uchun muhim davrni bosib o‘tgach, uning rangi o‘zgaradi.
Ayni paytda yangi mehmonimiz alohida yashayapti va mutaxassislarimizning nazorati ostida. Biroq tez orada u kuchga to‘ladi, yangi do‘stlar topadi va o‘zining butun chiroyini namoyish etadi”, – deyiladi bog‘ matbuot xizmati xabarida.
Ma’lum qilinishicha, pelikan o‘zini juda yaxshi his qilmoqda va “mehmonlar bilan uchrashishni orziqib ketmoqda”.
Mavzuga doir: Foto: Toshkent hayvonot bog‘i jonivorlari birinchi qorni xursandchilik bilan kutib oldi
Izoh (0)