Яшнобод туманининг айрим жойларида 24 ноябрь куни газ таъминоти вақтинча ўчирилди. Бу ҳақда «Ҳудудгаз Пойтахт» ГТФга таяниб, туман ҳокимлиги матбуот хизмати хабар берди.
Маълум қилинишича, 24 ноябрь куни соат 09:00 дан 17:00 га қадар «Ҳудудгаз Пойтахт» ГТФ «Яшнободтумангаз» таъминоти бўлими томонидан туманнинг «Олмос» МФЙдаги ўрта босимли газ қувурида таъмирлаш ишлари амалга оширилмоқда.
Шу муносабат билан Яшнобод тумани «Олмос» МФЙдаги 500 та ерли аҳоли хонадонлари ҳамда 4 та улгуржи истеъмолчилар табиий газ таъминотидан вақтинчалик тўхтатилган. Таъкидланишича, таъмирлаш ишларидан сўнг табиий газ таъминоти қайта тикланади.
«Таъмирлаш ишлари туфайли етказилаётган ноқулайликлар учун аҳоли ва газ истеъмолчиларидан узр сўраймиз», — дейилади хабарда.
Аввалроқ Мирзо Улуғбек туманининг бир қисми ТТЗдаги қозонхонада юзага келган авария сабаб иссиқлик таъминотидан вақтинча узилгани, Учтепа туманининг айрим жойларида 23 ноябрь куни ичимлик суви таъминоти вақтинча ўчирилгани тўғрисида хабар берилганди.
Изоҳ (0)