Rossiyaning tegishli litsenziyaga ega aviakompaniyalari 12 ta mamlakat, shu jumladan, O‘zbekistonga doimiy parvozlarni amalga oshirish uchun ruxsat oldi. Bu haqda “Kommersant” xabar berdi.
Aviakompaniyalar quyidagi mamlakatlarga doimiy parvozlarni amalga oshirish uchun ruxsat olgan:
- Belarus;
- Isroil;
- Kipr;
- Kuba;
- Livan;
- Maldiv orollari;
- Marokash;
- Ummon;
- Slovakiya;
- O‘zbekiston;
- Finlyandiya;
- Xorvatiya.
“Rosaviatsiya” tomonidan xabar berilishicha, mazkur ruxsatnomalarni berish haqidagi qaror xalqaro yo‘nalishlarda parvozlarni qayta tiklash uchun asos hisoblanmaydi. Ruxsatnoma parvozlar qayta tiklangan taqdirda aviakompaniyalar foydalanishi mumkin bo‘lgan huquq hisoblanadi.
Rossiyaning xorijiy davlatlar bilan doimiy aviaqatnovlari koronavirus pandemiyasi sababli 2020-yilning 27-martidan boshlab to‘xtatilgan. Avgust oyidan Rossiya boshqa mamlakatlar bilan aviaqatnovlarni bosqichma-bosqich qayta tiklashni boshlagan.
Eslatib o‘tamiz, sentabr oyida O‘zbekiston bosh vaziri o‘rinbosari, Respublika maxsus komissiyasi a’zosi Aziz Abduhakimov Rossiya O‘zbekistonning muntazam aviaqatnovlarni tiklash bo‘yicha taklifini rad etganini ma’lum qilgandi.
Izoh (0)