Markaziy bank tomonidan taqdim etilgan, yangilangan statistik ma’lumotlarga ko‘ra, O‘zbekiston hududidagi bankomatlar va kiosklarning 30 foiz qismi – 3036 tasi “Kapitalbank”ga qarashli.
Mamlakat bo‘yicha bankomatlar va axborot kiosklarining umumiy soni 11 572 tani tashkil qiladi. Jami 5,5 million plastik kartalar chiqargan “Xalq banki” ixtiyorida 1 006 ta bankomat va kiosk mavjud. 3-pog‘onani “Agrobank” ATB egallab turibdi va ushbu bankdagi bankomatlar soni 1 856 ta. Uchlik qolganlardan katta farq bilan oldinda bormoqda, to‘rtinchi o‘rinni O‘zbekiston Milliy banki egallagan – 592 ta bankomat va kiosklarga ega.
Eng kam bankomatlarga ega banklar qatoriga “Soderot bank Tashkent” (mavjud emas), “Ziraat Bank Uzbekistan” (5 ta), “KDB Bank Uzbekistan” (9 ta) va Hi-Tech Bank (9 ta) kirgan. Yaqinda faoliyatini boshlagan Anorbank hamda TBC Bank ham hali birorta bankomat yoki kiosk o‘rnatishga ulgurmagan.
Avval Markaziy bankning bankomatlar izlash uchun maxsus Telegram-botni ishga tushirgani, bankomatlarning joylashuvi haqidagi ma’lumotlar doimiy yangilab borilishi haqida xabar qilingandi.
Izoh (0)