Марказий банк томонидан тақдим этилган, янгиланган статистик маълумотларга кўра, Ўзбекистон ҳудудидаги банкоматлар ва киоскларнинг 30 фоиз қисми – 3036 таси «Капиталбанк»га қарашли.
Мамлакат бўйича банкоматлар ва ахборот киоскларининг умумий сони 11 572 тани ташкил қилади. Жами 5,5 миллион пластик карталар чиқарган «Халқ банки» ихтиёрида 1 006 та банкомат ва киоск мавжуд. 3-поғонани «Агробанк» АТБ эгаллаб турибди ва ушбу банкдаги банкоматлар сони 1 856 та. Учлик қолганлардан катта фарқ билан олдинда бормоқда, тўртинчи ўринни Ўзбекистон Миллий банки эгаллаган – 592 та банкомат ва киоскларга эга.
Энг кам банкоматларга эга банклар қаторига «Содерот банк Ташкент» (мавжуд эмас), «Ziraat bank Uzbekistan» (5 та), «KDB Bank Uzbekistan» (9 та) ва Hi-Tech Bank (9 та) кирган. Яқинда фаолиятини бошлаган Anorbank ҳамда TBC Bank ҳам ҳали бирорта банкомат ёки киоск ўрнатишга улгурмаган.
Аввал Марказий банкнинг банкоматлар излаш учун махсус Telegram-ботни ишга туширгани, банкоматларнинг жойлашуви ҳақидаги маълумотлар доимий янгилаб борилиши ҳақида хабар қилинганди.
Изоҳ (0)