Samarqand shahrida pirotexnika vositalariga bog‘liq noqonuniy holatlar oldini olish maqsadida tezkor tadbir o‘tkazildi

Samarqand viloyat Bojxona boshqarmasi Kontrabandaga qarshi kurashish va bojxona auditi bo‘limi xodimlari DXX xodimlari bilan hamkorlikda Samarqand shahrida pirotexnika vositalarini ko‘cha-ko‘yda pullash bilan bog‘liq noqonuniy holatlarning oldini olish maqsadida tezkor tadbir o‘tkazdi. Bu haqda “Daryo”ga viloyat Bojxona boshqarmasi axborot xizmati ma’lum qildi.

Tadbir davomida Kia Carnival rusumli avtomashina yukxonasidan fuqaro U.A.ga tegishli xorijda ishlab chiqarilgan, umumiy qiymati 111 million so‘mlik 9 turdagi 56 172 dona pirotexnika vositalari borligi aniqlangan va ashyoviy dalil sifatida olib qo‘yilgan.

Hozirda ushbu holat yuzasidan bojxona organlari tomonidan dastlabki surishtiruvlari olib borilmoqda.