Telegram’da qor yog‘ayotgan vaqtda yo‘l ta’mirlash bilan shug‘ullanuvchi ishchilar tomonidan yerga asfalt yotqizilayotgani aks etgan fotosurat tarqaldi.
Umuman, 2020-yil 18-noyabr kuni Toshkentda yog‘gan qor bilan bog‘liq kutilmagan voqealar yetarlicha kuzatildi. Shahardagi aksariyat chorrahalar shu kuni tushdan so‘ng 10 ballik (qizil darajadagi) tirbandliklar ichida qoldi.
Toshkent shahar hokimi Jahongir Ortiqxo‘jayevning ijtimoiy-tarmoqlarda tarqalgan volontyorlar haqidagi fikr bildirgan videosi bahs-munozaralarga sabab bo‘ldi. Shahar hokimligi videoning to‘liq talqinini taqdim etgan. Shuningdek shu kuni Uchtepada ikki nafar volontyorning muzlamalar tufayli yuzaga kelgan tirbandliklarni tartibga solayotgani haqida video tarqaldi. Keyinchalik yo‘llarda muzlamalar sabab harakatlanishga qiynalayotgan haydovchilarga ko‘mak berayotgan boshqa volontyorlar xususida ham videolavha e’lon qilindi.
Izoh (0)