Bonhams auksioni orqali Jeyms Bond haqidagi filmlarda suratga tushgan noyob avtomobil sotuvga qo‘yildi. “Josus 007” odatda Aston Martin mashinalarida harakatlangan, biroq bu safar gap Mercury Coungar XR-7 haqida ketmoqda, deb yozadi “Quto.ru”.
Sportkar 1967-yilda ishlab chiqarilgan bo‘lib, u franshizaning “Hazrati oliyalarining maxfiy xizmatida” nomli oltinchi filmida suratga tushgan. Jorj Lezenbi ijrosidagi Jeyms Bond aynan shu avtomobilda rafiqasi hamkorligida yo‘lovchilar bilan harakatlangan. Filmda Bondning rafiqasi rolini Dayana Rigg ijro etgan.
Mazkur avtomobilning Aston’lardan farqi unga josuslarga xos hech qanday gadjetlar o‘rnatilmaganida. Kabrioletning noodatiy qo‘shimcha opsiyalari qatoridan chang‘ilar uchun yukxona va chang‘ining o‘zi o‘rin olgan. Avtomobil 200 ming dollarga baholanmoqda. Savdolar 16-dekabr kuni bo‘lib o‘tadi.
Avvalroq 2002-yilda katta ekran yuzini ko‘rgan “Halok bo‘l, lekin hozir emas” filmida Jeyms Bond rolini ijro etgan aktyor Pirs Brosnan qanday qilib Aston Martin’ni o‘ziga superkar sovg‘a qilishga ko‘ndirganini so‘zlab bergandi.
Izoh (0)