Buyuk Britaniyada istiqomat qiluvchi 78 yoshli nafaqaxo‘r dunyodagi eng tezkor Audi TT RS avtomobilining egasi sifatida tan olindi — model soatiga birinchi 100 kilometr tezlikdan ikkinchisiga 3,2 soniyada erishadi. Bu kabi natijaga TT RS dvigateli quvvati ming ot kuchiga qadar chiqarilgandan so‘ng erishilgan, deb xabar beradi Motor.
TT RS’ning 2,5 litrli turbomotori modifikatsiya qilinishi natijasida uning quvvati ikki barobardan ko‘proqqa oshgan— 400 dan 1100 ot kuchigacha. Sinov Dansfold aerodromida amalga oshirilgan: TT RS soatiga 100 kilometr tezlikdan 200 km/soatga 3,2 soniyada erishgan, bu oldingi natijadan 0,1 soniyaga tezroq. Lekin avtomobil dastlabki 100 km/soatga qanchada erishishiga oydinlik kiritilmagan.
TT RS egasi erishilgan natija bilan to‘xtab qolish niyatida emas — nafaqaxo‘r ancha samarali turbokompressor o‘rnatib, quvvatni yana 200 ot kuchiga oshirish niyatida. Dastlabki baholashga ko‘ra, agarda tajriba muvaffaqiyatli o‘tsa, keyingi TT RS natijaga ikki soniyada erishishi mumkin.
Avvalroq har kuni Ferrari F40 avtomobilida ishga qatnaydigan 80 yoshli amerikalik Jon Klauer mashinaga egalik qilish borasidagi hissiyotlari bilan bo‘lishgandi.
Izoh (0)