O‘zbekistonda yanvar—oktabr oylarida ham yengil avtomobil ishlab chiqarish hajmi oshgani ma’lum bo‘ldi

O‘zbekistonda 2020-yilning o‘tgan 10 oyi mobaynida 238 mingdan ortiq yengil avtomobil ishlab chiqarilgan. Bu haqda Davlat statistika qo‘mitasining yanvar—oktabr oylarida yirik sanoat korxonalari tomonidan ayrim turdagi sanoat mahsulotlarini ishlab chiqarish hajmiga oid ma’lumotlarda keltirilgan.

Ma’lumotlarga ko‘ra, mamlakatda yengil avtomobillar ishlab chiqarish hajmi oshgan. 2019-yilning shu davrida 218 912 dona yengil avtomobil ishlab chiqarilgan bo‘lsa, 2020-yilda — 238 868 dona.

Avtomobil ishlab chiqarish sanoatida 2020-yil yanvar—oktabr oylari ishlab chiqarilgan avtomobillar hajmi quyidagicha:

• Nexia T-250 — 57 694 dona;
• Cobalt — 66 481 dona;
• Lacetti-Gentra — 41 799 dona;
• Damas — 44 076 dona;
• Spark — 21 757 dona;
• Labo — 7061 dona.

Avtomobil dvigatellarini ishlab chiqarish esa ko‘paygan. 2019-yilda 165,4 ming dona dvigatel chiqarilgan bo‘lsa, 2020-yilda — 192,6 ming.

Avvalroq UzAuto Motors talab yuqoriligi sabab uch turdagi modellarni —  Nexia AT, Spark AT va Damas ishlab chiqarishni oshirgani to‘g‘risida xabar berilgandi.