Toshkent shahrida ro‘yxatda turuvchi Lacetti o‘tgan 10 oy mobaynida Toshkent viloyati hududida tezlik bilan bog‘liq 36 marotaba qoidabuzarlik sodir etgan. Bu haqda viloyati YHXB axborot xizmati “Daryo”ga ma’lum qildi.
Ma’lumotlarga ko‘ra, haydovchi aholi yashash (5.22 yo‘l belgisi o‘rnatilgan) joyida cheklangan tezlik 70 km/soat bo‘lishiga qaramasdan, ushbu hududdan yuqori tezligi 140 km/soat, past tezligi esa 80 km/soat bilan harakatlangan.
Natijada, tezlikni 36 marotaba me’yoridan oshirish 35 457 000 so‘m jarima belgilanishiga sabab bo‘lgan.
Shuningdek, ta’kidlanishicha, Qashqadaryo va Samarqand viloyatidan ro‘yxatdan o‘tgan Nexia rusumli avtomobillar ham aholi yashash joyida soatiga 100 kilometrdan kam bo‘lmagan tezlikda harakatlanib, 12 martadan qoida buzgan. Aniqlangan qoidabuzarliklar yuzasidan o‘rnatilgan tartibda jarimalar belgilangan.
Avvalroq Toshkent viloyat hududida 2020-yil boshidan buyon hozirgi kunga qadar fotoradarlar orqali jami 457 828 ta tezlikni me’yoridan oshirib, transport vositasini boshqarganlik holatlari aniqlangani to‘g‘risida xabar berilgandi.
Izoh (0)