Sirdaryo viloyatida Guliston—Oqoltin temiryo‘l bekatlari oralig‘ida rels ustiga toshlarni qo‘yib suratga tushgan o‘smirlarning shaxsiga aniqlik kiritildi, deyiladi IIV Transportda xavfsizlikni ta’minlash bosh boshqarmasi xabarida.
Xabarga ko‘ra, 2020-yil 15-noyabr kuni soat 13:20 da Sirdaryo viloyati IIB TXTBga kelgan xabar asosida 3485 kilometr, 1-to‘siqda noma’lum shaxslar (15 va 16 yoshli o‘spirinlar) temiryo‘l iziga tosh qo‘yganligi ma’lum bo‘lgan.
Surishtiruv jarayonida Guliston–Oqoltin temiryo‘l bekatlari oralig‘i 1-to‘siqda joylashgan maxsus piyodalar o‘tish joyida voyaga yetmagan Guliston shahar 8-sonli o‘rta maktabning 10-sinf o‘quvchisi, Sirdaryo viloyati Guliston shahrida yashovchi 16 yoshli J.N. va uning sherigi Sirdaryo viloyati Oqoltin tumanida yashovchi 16 yoshli A.A. temiryo‘ldan o‘tib ketayotib rels ustiga toshlarni qo‘yib telefonda rasmga tushayotgan vaqtida aniqlangan.
IIV Transportda xavfsizlikni ta’minlash bosh boshqarmasi holat yuzasidan surishtiruv ishlarini davom ettirmoqda.
Mavzuga doir:
- Buxorodan Toshkentga kelayotgan poyezd nosozlik sabab 1,5 soatdan ortiqroq to‘xtab qoldi
- Samarqanddan Termizga eltib qo‘yish evaziga yo‘lovchidan 1400 rubl talab qilgan poyezd kuzatuvchisi qo‘lga olindi
- Xorazmda temiryo‘l relsi yonida uxlab qolgan mast fuqaro sabab Xiva—Toshkent poyezdi 16 daqiqa to‘xtab qoldi
Izoh (0)