Сирдарё вилоятида Гулистон—Оқолтин темир йўл бекатлари оралиғида рельс устига тошларни қўйиб суратга тушган ўсмирларнинг шахсига аниқлик киритилди, дейилади ИИВ Транспортда хавфсизликни таъминлаш бош бошқармаси хабарида.
Хабарга кўра, 2020 йил 15 ноябрь куни соат 13:20 да Сирдарё вилояти ИИБ ТХТБга келган хабар асосида 3485 километр, 1-тўсиқда номаълум шахслар (15 ва 16 ёшли ўспиринлар) темир йўл изига тош қўйганлиги маълум бўлган.
Суриштирув жараёнида Гулистон–Оқолтин темир йўл бекатлари оралиғи 1-тўсиқда жойлашган махсус пиёдалар ўтиш жойида вояга етмаган Гулистон шаҳар 8-сонли ўрта мактабнинг 10-синф ўқувчиси, Сирдарё вилояти Гулистон шаҳрида яшовчи 16 ёшли Ж.Н. ва унинг шериги Сирдарё вилояти Оқолтин туманида яшовчи 16 ёшли А.А. темир йўлдан ўтиб кетаётиб рельс устига тошларни қўйиб телефонда расмга тушаётган вақтида аниқланган.
ИИВ Транспортда хавфсизликни таъминлаш бош бошқармаси ҳолат юзасидан суриштирув ишларини давом эттирмоқда.
Мавзуга доир:
Изоҳ (0)