Buyuk Britaniyada kimligini oshkor qilmagan kolleksioner Silverstone Auctions auksioni orqali noyob lotni — 118 yil oldingi “O 10” avtomobil raqamini sotib oldi. Birmingem tarixidagi o‘ninchi avtomobil raqami uchun xaridor 170 ming dollar to‘lagan, deb xabar beradi Motor.
“O 10” raqamining tarixi 1902-yilda boshlangan. Qadimiy raqamning birinchi egasi britaniyalik Charlz Tompson bo‘lib, u Birmingem shahrida avtomobil raqamini xarid qilgan o‘ninchi odamga aylangan. Charlzning o‘limidan so‘ng, 1955-yilda eksklyuziv raqam uning o‘g‘li — Barri Tomsonga, undan keyin esa hozirgi sotuvchiga — Charlzning nabirasiga meros bo‘lib qolgan.
118 yillik tarixi davomida “O 10” raqami 1960-yillargi Austin A35, 80-yillarning o‘rtalariga tegishli Ford Cortina, shuningdek, Mini Cooper va Jaguar X-Type’ga o‘rnatilgan. 2017-yilda Barri Tompsonning o‘limidan so‘ng, uning o‘g‘li eksklyuziv avtomobil raqamini oilaviy meros sifatida saqlab kelgan. Biroq oradan uch yil o‘tgach, erkak uni sotishga qaror qilgan.
Kimligini oshkor qilishni istamagan kolleksioner “O 10” raqami uchun 170 ming dollar to‘lagan.
Mavzuga doir: BAAda avtomobil raqami 3 million dollarga sotildi
Izoh (0)