Buxoro viloyatida yaqinda sotib olingan Tracker rusumli avtomashinada nuqsonlar borligi kuzatilgani bois yangisiga almashtirilib berildi, deya xabar bermoqda Iste’molchilar huquqlarini himoya qilish jamiyatlari federatsiyasi.
Qayd etilishicha, Buxoro viloyatida yashovchi fuqaro N.S. O‘zbekiston iste’molchilar huquqlarini himoya qilish jamiyatlari federatsiyasi Buxoro viloyat hududiy birlashmasiga yozma murojaat qilgan.
Murojaatda fuqaro Buxoro shahridagi avtosalonga 189 million so‘m to‘lovni amalga oshirib, Tracker avtomashinasini xarid qilgani, biroq, hali 10 kilometr ham yurib ulgurmasidan nuqsonlar va noodatiy tovushlar sezilganini, bu borada bir necha marotaba avtosalon mutasaddilariga murojaat qilgan bo‘lsa-da, masalaga yechim topilmagani aytilgan.
Ma’lum qilinishicha, mazkur murojaatni o‘rganish davomida, iste’molchiga yangi avtomobil topshirilgan, sifatsiz avtoulov esa avtosalonga qaytarilgan.
Avvalroq Rasul Kusherbayev UzAuto Motors mashinalarini olish uchun 85 foizlik oldindan to‘lov tartibini tanqid qilgan edi.
Mavzuga doir:
- Rossiyalik reper Morgenshtern buxorolik yigitga sovg‘a qilgan Mercedes’ni O‘zbekistonga olib kirishi uchun qancha bojxona boji to‘lashi hisoblab chiqildi
- UzAuto Motors talab yuqoriligi sabab uch turdagi modellarni ishlab chiqarishni oshirdi
- Chevrolet Equinox O‘zbekistonda qariyb 34 ming dollardan sotilmoqda, UzAuto Motors esa uni AQSh kompaniyasidan 22,8 ming dollarga sotib oladi
Izoh (0)