Dunyodagi eng yirik xususiy ta’lim muassasasi – Education First (EF) har yili berib boradigan mamlakatlarning ingliz tilini bilish indeksini e’lon qildi. Reytingni shakllantirish uchun 100 ta mamlakatdan 2,2 million odam qatnashgan. Bu haqda Spot ma’lum qildi.
“Bugungi kunda ingliz tilining yuqori darajasini talab qiladigan va unchalik yuqori darajadagi ingliz tilini talab qilmaydigan kasblar o‘rtasidagi farq tobora ortib bormoqda. Ingliz tilidan yuqori darajada foydalanadigan kompaniyalar moslashuvchan va o‘sishga moyil bo‘ladi”, – deya ta’kidlaydi tahlilchilar.
Mavzuga doir: Shvetsiya kompaniyasi O‘zbekistonda ingliz tilini rivojlantirish uchun 60 mln dollar ajratadi
Ulardan tashqari dastlabki 12 o‘rinni (ingliz tilini bilish juda yuqori darajadagi mamlakatlar) Shvetsiya, Norvegiya, Avstriya, Portugaliya, Germaniya, Belgiya, Singapur, Lyuksemburg va Janubiy Afrika egalladi.
13 dan 29 gacha bo‘lgan o‘rinlarni yuqori darajada ingliz tilini biluvchi davlatlar – Xorvatiya, Vengriya, Serbiya, Polsha, Ruminiya, Shveysariya, Chexiya, Bolgariya, Gretsiya, Keniya, Slovakiya, Litva, Estoniya, Argentina, Filippin, Fransiya va Latviya egallagan.
Tilni o‘rtacha darajada biluvchi 30 dan 47 gacha bo‘lgan mamlakatlar – Malayziya, Italiya, Janubiy Koreya, Gonkong, Xitoy va boshqalar.
48 dan 76 gacha bo‘lgan o‘rinlarni ingliz tilini past darajada biluvchi mamlakatlar – Dominikan Respublikasi, Gonduras, Hindiston, Armaniston, Urugvay, Braziliya va boshqa mamlakatlar egallagan.
So‘nggi o‘rinlarni (77 dan 100 gacha) ingliz tilini bilish darajasi juda past bo‘lgan mamlakatlar egallagan. Xususan, O‘rta Osiyo mamlakatlari – Qozog‘iston 92 o‘rinni, O‘zbekiston 88 o‘rinni, Tojikiston 100 o‘rinni, Qirg‘iziston 96 o‘rinni egallagan.
O‘zbekiston 2019-yili 100 mamlakat ichida 95-o‘rinni egallagan bo‘lsa, 2018-yilda 86-o‘rinni egallagandi. Ammo 2018-yilda reytingda 88 mamlakat bo‘lgan edi.
Izoh (0)