Дунёдаги энг йирик хусусий таълим муассасаси – Education First (EF) ҳар йили бериб борадиган мамлакатларнинг инглиз тилини билиш индексини эълон қилди. Рейтингни шакллантириш учун 100 та мамлакатдан 2,2 миллион одам қатнашган. Бу ҳақда Spot маълум қилди.
«Бугунги кунда инглиз тилининг юқори даражасини талаб қиладиган ва унчалик юқори даражадаги инглиз тилини талаб қилмайдиган касблар ўртасидаги фарқ тобора ортиб бормоқда. Инглиз тилидан юқори даражада фойдаланадиган компаниялар мослашувчан ва ўсишга мойил бўлади», – дея таъкидлайди таҳлилчилар.
Мавзуга доир: Швеция компанияси Ўзбекистонда инглиз тилини ривожлантириш учун 60 млн доллар ажратади
Улардан ташқари дастлабки 12 ўринни (инглиз тилини билиш жуда юқори даражадаги мамлакатлар) Швеция, Норвегия, Австрия, Португалия, Германия, Бельгия, Сингапур, Люксембург ва Жанубий Африка эгаллади.
13 дан 29 гача бўлган ўринларни юқори даражада инглиз тилини билувчи давлатлар – Хорватия, Венгрия, Сербия, Польша, Руминия, Швейцария, Чехия, Болгария, Греция, Кения, Словакия, Литва, Эстония, Аргентина, Филиппин, Франция ва Латвия эгаллаган.
Тилни ўртача даражада билувчи 30 дан 47 гача бўлган мамлакатлар – Малайзия, Италия, Жанубий Корея, Гонконг, Хитой ва бошқалар.
48 дан 76 гача бўлган ўринларни инглиз тилини паст даражада билувчи мамлакатлар – Доминикан Республикаси, Гондурас, Ҳиндистон, Арманистон, Уругвай, Бразилия ва бошқа мамлакатлар эгаллаган.
Сўнгги ўринларни (77 дан 100 гача) инглиз тилини билиш даражаси жуда паст бўлган мамлакатлар эгаллаган. Хусусан, Ўрта Осиё мамлакатлари – Қозоғистон 92 ўринни, Ўзбекистон 88 ўринни, Тожикистон 100 ўринни, Қирғизистон 96 ўринни эгаллаган.
Ўзбекистон 2019 йили 100 мамлакат ичида 95-ўринни эгаллаган бўлса, 2018 йилда 86-ўринни эгаллаганди. Аммо 2018 йилда рейтингда 88 мамлакат бўлган эди.
Изоҳ (0)