13-noyabr Jahon sog‘liqni saqlash tashkiloti qarori bilan butun dunyoda xalqaro ko‘zi ojizlar kuni sifatida nishonlanadi. Shu kuni O‘zbekiston ko‘rlar jamiyati ko‘rish qobiliyatini yo‘qotgan va to‘laqonli hayot kechirishga qodir bo‘lmagan insonlarning muammolariga jamoatchilik e’tiborini jalb qilishni istaydi.
Dunyoning ko‘plab mamlakatlarida shu kuni jamiyatning e’tiborini ko‘zi ojiz va zaif ko‘radigan insonlarga jalb qilish, shuningdek, ushbu insonlarning jamiyat hayotida har tomonlama ishtirok etishlari uchun shart-sharoitlar yaratish, ularning kasb va bilim olishlari uchun imkoniyatlarini kengaytirish, ularga boshqa fuqarolar bilan teng sharoitlar yaratish maqsadida turli tadbirlar o‘tkaziladi.
O‘zbekiston Ko‘zi Ojizlar Jamiyati ko‘rish qobiliyati cheklangan insonlarga ularning huquq va manfaatlarini himoya qilish, ijtimoiy jihatdan qo‘llab-quvvatlash, reabilitatsiya qilishga ko‘maklashadi, shuningdek Jamiyatning 23 mingdan ortiq a’zolarining ijtimoiy integratsiyasini qo‘llab-quvvatlashga yordam beradi.
Bizning jamiyatimiz faoliyat yuritmoqda va mamlakatimizning mehr-shafqatli fuqarolari tufayligina ko‘rish qobiliyatini yo‘qotib, qiyin hayot sharoitida qolgan insonlarga yordam qo‘lini cho‘zadi. Bizning hozirgi oson bo‘lmagan, moddiy ko‘mak va g‘amxo‘rlikka muhtoj odamlar soni kundan-kunga ko‘payib borayotgan bir vaqtda o‘zgalarning muammolari, g‘am-tashvishlarini o‘zinikidek qabul qiladigan odamni topish juda mushkul, ammo shunisi ajoyibki, bunday insonlar hali ham oramizda topiladi! Bizlarga tashkilotlar, kompaniyalar va oddiy mehribon insonlar yordam bermoqdalar.
“Biz viloyatimizda faoliyat yuritayotgan LUKOIL kompaniyasiga alohida minnatdorchilik bildirmoqchimiz. Ko‘p yillar davomida LUKOIL kompaniyasi Jamiyatimizga har tomonlama homiylik yordamini ko‘rsatmoqda. Kompaniya har yili Jamiyatimizning har bir a’zosiga mehr-oqibat va g‘amxo‘rlik ko‘rsatadi, bayram tadbirlari uchun mablag‘lar ajratadi va ko‘rish qobiliyatini yo‘qotgan kam ta’minlangan insonlarga moliyaviy yordam ko‘rsatadi. Koronavirusning tarqalishi tufayli o‘z-o‘zini izolyatsiya qilishdek butun mamlakat uchun murakkab bo‘lgan bir davrda LUKOIL bizning salomatligimizni qo‘llab-quvvatlash uchun bizlarga mablag‘ ajratdi. Hozirda biz homiylarimiz yordamida Buxoro viloyati ko‘rlar Jamiyatining ma’muriy binosini kapital ta’mirdan chiqarmoqdamiz. Bino uzoq vaqt davomida avariya holatida edi, tomidan suv oqardi, isitish tizimi yo‘q edi. Qishda eski romlar issiqlikni saqlay olmas edi va juda sovuq edi. Bu qish biz endi qulay sharoitlarda ishlaymiz, buning uchun LUKOIL kompaniyasiga katta minnatdorchilik bildiramiz”, — dedi Jamiyat rahbari Yadgarov Muxtor Muradovich.
Homiylarimizning befarq emasligi va mehr-muruvvati tufayli biz kelajakka umid va ishonch bilan qaraymiz.
O‘zbekiston Ko‘zi ojizlar jamiyatining Buxoro shahar bo‘limi
Reklama huquqi asosida
Izoh (0)