13 ноябрь Жаҳон соғлиқни сақлаш ташкилоти қарори билан бутун дунёда халқаро кўзи ожизлар куни сифатида нишонланади. Шу куни Ўзбекистон кўрлар жамияти кўриш қобилиятини йўқотган ва тўлақонли ҳаёт кечиришга қодир бўлмаган инсонларнинг муаммоларига жамоатчилик эътиборини жалб қилишни истайди.
Дунёнинг кўплаб мамлакатларида шу куни жамиятнинг эътиборини кўзи ожиз ва заиф кўрадиган инсонларга жалб қилиш, шунингдек, ушбу инсонларнинг жамият ҳаётида ҳар томонлама иштирок этишлари учун шарт-шароитлар яратиш, уларнинг касб ва билим олишлари учун имкониятларини кенгайтириш, уларга бошқа фуқаролар билан тенг шароитлар яратиш мақсадида турли тадбирлар ўтказилади.
Ўзбекистон Кўзи Ожизлар Жамияти кўриш қобилияти чекланган инсонларга уларнинг ҳуқуқ ва манфаатларини ҳимоя қилиш, ижтимоий жиҳатдан қўллаб-қувватлаш, реабилитация қилишга кўмаклашади, шунингдек Жамиятнинг 23 мингдан ортиқ аъзоларининг ижтимоий интеграциясини қўллаб-қувватлашга ёрдам беради.
Бизнинг жамиятимиз фаолият юритмоқда ва мамлакатимизнинг меҳр-шафқатли фуқаролари туфайлигина кўриш қобилиятини йўқотиб, қийин ҳаёт шароитида қолган инсонларга ёрдам қўлини чўзади. Бизнинг ҳозирги осон бўлмаган, моддий кўмак ва ғамхўрликка муҳтож одамлар сони кундан-кунга кўпайиб бораётган бир вақтда ўзгаларнинг муаммолари, ғам-ташвишларини ўзиникидек қабул қиладиган одамни топиш жуда мушкул, аммо шуниси ажойибки, бундай инсонлар ҳали ҳам орамизда топилади! Бизларга ташкилотлар, компаниялар ва оддий меҳрибон инсонлар ёрдам бермоқдалар.
«Биз вилоятимизда фаолият юритаётган LUKOIL компаниясига алоҳида миннатдорчилик билдирмоқчимиз. Кўп йиллар давомида LUKOIL компанияси Жамиятимизга ҳар томонлама ҳомийлик ёрдамини кўрсатмоқда. Компания ҳар йили Жамиятимизнинг ҳар бир аъзосига меҳр-оқибат ва ғамхўрлик кўрсатади, байрам тадбирлари учун маблағлар ажратади ва кўриш қобилиятини йўқотган кам таъминланган инсонларга молиявий ёрдам кўрсатади. Коронавируснинг тарқалиши туфайли ўз-ўзини изоляция қилишдек бутун мамлакат учун мураккаб бўлган бир даврда LUKOIL бизнинг саломатлигимизни қўллаб-қувватлаш учун бизларга маблағ ажратди. Ҳозирда биз ҳомийларимиз ёрдамида Бухоро вилояти кўрлар Жамиятининг маъмурий биносини капитал таъмирдан чиқармоқдамиз. Бино узоқ вақт давомида авария ҳолатида эди, томидан сув оқарди, иситиш тизими йўқ эди. Қишда эски ромлар иссиқликни сақлай олмас эди ва жуда совуқ эди. Бу қиш биз энди қулай шароитларда ишлаймиз, бунинг учун LUKOIL компаниясига катта миннатдорчилик билдирамиз», — деди Жамият раҳбари Ядгаров Мухтор Мурадович.
Ҳомийларимизнинг бефарқ эмаслиги ва меҳр-муруввати туфайли биз келажакка умид ва ишонч билан қараймиз.
Ўзбекистон Кўзи ожизлар жамиятининг Бухоро шаҳар бўлими
Реклама ҳуқуқи асосида
Изоҳ (0)