Rossiyada COVID-19 tarqalishiga qarshi kurashish bo‘yicha tezkor shtab ma’lumotlariga ko‘ra, o‘tgan bir kun ichida 22 702 kishi koronavirus bilan kasallangan, deya xabar bermoqda Meduza.
Rossiyada 12-noyabr kuni ham rekord darajada koronavirusga chalinish holati aniqlangandi. Unda bir sutka davomida 21 983 kishida kasallik tasdiqlangan.
Rossiyada pandemiya boshlanganidan beri 1 903 253 kishi koronavirus infeksiyasi bilan kasallangan. COVID-19 kasalligining aksariyati Moskva (6427 kishi), Sankt-Peterburg (1852) va Moskva viloyatida (786) qayd etilgan.
Mavzuga doir: JSST o‘tgan bir sutka ichida dunyoda koronavirus bilan kasallanish bo‘yicha rekord ko‘rsatkichni qayd etdi
Sog‘ayganlar soni 1 425 529 nafarni tashkil etmoqda, shulardan 18 626 nafari so‘nggi sutkada tuzalib chiqqan.
“Rospotrebnadzor” ma’lumotlariga ko‘ra, mamlakatda koronavirusni aniqlash bo‘yicha so‘nggi 24 soat ichida 601 mingta, umumiy hisobda esa 67,9 milliontadan ortiq test o‘tkazilgan.
Izoh (0)