Jons Hopkins universiteti ma’lumotlariga ko‘ra, dunyoda koronavirus allaqachon 53 milliondan ortiq odamda aniqlangan, deya xabar qilmoqda “RBK”.
Koronavirusga chalingan odamlar soni ikki kun ichida 1 millionga ko‘paygan. 12-noyabr kuni 52 millionlik chiziq kesib o‘tilgandi. Noyabr oyining boshidan beri COVID-19 bilan kasallanganlar soni 7 millionga ko‘paygan.
Eng ko‘p koronavirusga bog‘liq holatlar quyidagi beshta mamlakatda aniqlangan:
- AQSh – 10,7 million
- Hindiston – 8,7 million
- Braziliya – 5,8 million
- Fransiya – 1,9 million
- Rossiya – 1,4 million
Eng kam COVID-19’ga chalinganlar, asosan, orol davlatlarda aniqlangan. Bular Marshall orollari (1 kishi), Sulaymon orollari (16), Sent-Kits va Nevis (19), Sharqiy Timor (30), Grenada va Fiji (mos ravishda 32 va 35).
Ma’lumot uchun, dunyoda koronavirusga chalinganlar soni 5-oktabr kuni 35 milliondan, 11-oktabr kuni 37 million, 14-oktabr kuni 38 million, 19-oktabr kuni 40 million, 22-oktabr kuni 41 million, 5-noyabr kuni 48 million, 9-noyabr kuni 50 million kishidan oshgandi.
Izoh (0)