Россияда COVID-19 тарқалишига қарши курашиш бўйича тезкор штаб маълумотларига кўра, ўтган бир кун ичида 22 702 киши коронавирус билан касалланган, дея хабар бермоқда Meduza.
Россияда 12 ноябрь куни ҳам рекорд даражада коронавирусга чалиниш ҳолати аниқланганди. Унда бир сутка давомида 21 983 кишида касаллик тасдиқланган.
Россияда пандемия бошланганидан бери 1 903 253 киши коронавирус инфекцияси билан касалланган. COVID-19 касаллигининг аксарияти Москва (6427 киши), Санкт-Петербург (1852) ва Москва вилоятида (786) қайд этилган.
Мавзуга доир: ЖССТ ўтган бир сутка ичида дунёда коронавирус билан касалланиш бўйича рекорд кўрсаткични қайд этди
Соғайганлар сони 1 425 529 нафарни ташкил этмоқда, шулардан 18 626 нафари сўнгги суткада тузалиб чиққан.
«Роспотребнадзор» маълумотларига кўра, мамлакатда коронавирусни аниқлаш бўйича сўнгги 24 соат ичида 601 мингта, умумий ҳисобда эса 67,9 миллионтадан ортиқ тест ўтказилган.
Изоҳ (0)