Yengil vazn toifasida UFC chempioni Habib Nurmagomedovning (29-0) murabbiyi Xavyer Mendes Dog‘istonda yo‘l harakati qoidalariga rioya etilmasligi haqida gapirdi.
Habib o‘zining Instagram sahifasida hamyurtlarini yo‘l harakati qoidalariga rioya qilishga chaqirdi. Mendes ham ushbu post ostida o‘z fikrlarini qoldirdi.
“Oqilona nasihat. Har safar Dog‘istonga kelganimda yo‘l qoidalariga beparvolik bilan qarab mashina boshqaradiganlar meni eng ko‘p xavotirga soladi”, — deya yozadi Mendes.
24-oktabr kuni Abu-Dabidagi (BAA) “Jangchilar oroli”da bo‘lib o‘tgan UFC 254 asosiy jangida Habib Nurmagomedov va Jastin Getji (22-3) o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qildi.
Mavzuga doir:
Izoh (0)