Енгил вазн тоифасида UFC чемпиони Ҳабиб Нурмагомедовнинг (29-0) мураббийи Хавьер Мендес Доғистонда йўл ҳаракати қоидаларига риоя этилмаслиги ҳақида гапирди.
Ҳабиб ўзининг Instagram саҳифасида ҳамюртларини йўл ҳаракати қоидаларига риоя қилишга чақирди. Мендес ҳам ушбу пост остида ўз фикрларини қолдирди.
«Оқилона насиҳат. Ҳар сафар Доғистонга келганимда йўл қоидаларига бепарволик билан қараб машина бошқарадиганлар мени энг кўп хавотирга солади», — дея ёзади Мендес.
24 октябрь куни Абу-Дабидаги (БАА) «Жангчилар ороли»да бўлиб ўтган UFC 254 асосий жангида Ҳабиб Нурмагомедов ва Жастин Гэтжи (22-3) ўзаро тўқнаш келди. Унда россиялик спортчи иккинчи раундда рақибига бўғиш усулини қўллаб ғалаба қозонди. Жангдан кейин Ҳабиб фаолиятини якунлашини маълум қилди.
Изоҳ (0)