“Real” sardori Serxio Ramosning madridliklar safidagi kelajagi noma’lum bo‘lib qolmoqda.
Markaziy himoyachining “Real”ni tark etishi ehtimoli 80 foizga teng, deya xabar qilmoqda El Chiringuito jurnalisti Kristobal Soria.
Bundan tashqari, Cadena Cope jurnalisti Rafa Almansaning versiyasiga ko‘ra, Ramos PSJga yo‘l olishi mumkin. Ta’kidlanishicha, parijliklar prezidenti Nossir al-Xelayfi ispaniyalik futbolchi uchun shartnoma tayyorlab qo‘ygan. Agar Ramos “Real” bilan yangi bitim borasida kelisha olmasa, PSJ unga taklif bilan chiqishga tayyor.
Qayd etilishicha, 34 yoshli Serxio 4 yilga mo‘ljallangan shartnoma xohlamoqda.
Uning madridliklar bilan amaldagi shartnomasi 2021-yilning yozida o‘z nihoyasiga yetadi. “Real” prezidenti Florentino Peres odatda 30 yoshdan oshgan futbolchilar bilan shartnomani bir yildan ortiq muddatga uzaytirmaydi. Agar vaziyat yanvarga qadar o‘zgarishsiz qoladigan bo‘lsa, Ramos qishki transfer oynasida boshqa klublar bilan muzokara o‘tkazish huquqiga ega bo‘ladi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)