“Barselona” 2021-yilning yozida hujumchi Lionel Messiga sodiqlik uchun 33 million yevro miqdorida bonus puli to‘lab berishi kerak, deya xabar qilmoqda ESPN.
Klub va 33 yoshli futbolchi o‘rtasida 2017-yilda imzolagan 4 yillik shartnomaga ko‘ra, ushbu bonus nazarda tutilgan. 2020-yilning fevral oyida Messi mazkur bonusning birinchi qismini olgan va u ham 33 million yevroga teng edi.
Ta’kidlanishicha, Messi shartnoma uzaytirgani uchun yana 100 million yevro miqdorida bonusga ega bo‘lgan va bu miqdor unga shartnoma muddati davomida to‘lab kelingan.
Eslatib o‘tamiz, Messi avgust oyida katalonlar safini tark etish niyatida ekanini rasman ma’lum qildi. Biroq “Barselona” rahbariyati uni tekinga qo‘yib yuborishni istamadi. Oqibatda 33 yoshli futbolchi jamoa bilan sudlashishni istamadi va 2021-yilga qadar mo‘ljallangan shartnomasi tugagunga qadar “Barselona”da qolishga qaror qildi.
Argentinalik futbolchi La Liga 2020/21-yilgi mavsumida yettita o‘yin o‘tkazib, uchta gol urishga erishdi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)