O‘zbekiston Sog‘liqni saqlash vazirligi kam uchraydigan kasalliklarni davolash uchun mo‘ljallangan orfan dori vositalari ro‘yxatini yangiladi, deya xabar bermoqda Farmatsevtika tarmog‘ini rivojlantirish agentligi.
Qayd etilishicha, oldingi tahrir bilan solishtirganda ro‘yxat 138 dan 163 pozitsiyagacha oshirilgan.
Ro‘yxatga kam uchraydigan kasalliklarga tashxis qo‘yish va ularni davolash uchun mo‘ljallangan tibbiy buyumlar qo‘shildi.
Xususan, bu turli o‘lcham va zichlikdagi yumshoq silikon bog‘lamlar, bog‘lamlarni fiksatsiyalash uchun elastik bintlar, shuningdek, davolash vositalaridan iborat atravmatik bog‘lamlar, salfetkalar va fiksatsiyalovchi bintlar shular jumlasidan.
Avvalroq O‘zbekistonning har bir viloyatida tibbiyot klasterlari tashkil etilishi xabar qilingandi.
Mavzuga doir:
- O‘zbekistonda Sirdaryo misolida kafolatlangan tibbiy xizmatlar va dori vositalar paketlari ishlab chiqiladi
- “Dori-Darmon”ning moliyaviy ko‘rsatkichlari keskin yaxshilandi
- “Joylarda oilalarning 43 foizi davlat tibbiyot muassasalarida xizmatlar uchun haq to‘lagan” — Shavkat Mirziyoyev davlat tibbiyot muassasalari haqida
Izoh (0)