O‘zbekiston Respublikasi ta’lim muassasalariga o‘qishga qabul qilish bo‘yicha davlat komissiyasi majlisining 7-son bayoni qaroriga muvofiq, 101 nafar chin yetim abituriyent davlat granti asosida talabalikka qabul qilindi. Bu haqda “Xalq so‘zi online” xabar berdi.
Ma’lum qilinishicha, mazkur abituriyentlarni talabalikka qabul qilish “SOS-O‘zbekiston bolalar mahallalari” uyushmasi, Oliy va o‘rta maxsus ta’lim vazirligi, Davlat test markazi, vazirlik va idoralarning murojaatlari hamda Mehribonlik uyi va Bolalar shaharchasining bitiruvchilari bo‘lgan chin yetim 101 nafar abituriyentning yozma arizalariga muvofiq amalga oshirilgan.
Unga ko‘ra, ota-onasi yo‘q, chin yetim bolalarni har tomonlama qo‘llab-quvvatlash, hayotda o‘z o‘rnini topishiga ko‘maklashish maqsadida, mazkur abituriyentlar Mehribonlik uyi va Bolalar shaharchasining bitiruvchilari bo‘lgan chin yetimlar uchun davlat granti asosida ajratilgan qabul parametrlarida to‘ldirilmagan o‘rinlar hisobidan oliy ta’lim muassasalariga davlat granti asosida talabalikka qabul qilindi.
Avvalroq O‘zbekiston oliy ta’lim muassasalarida bakalavriat va magistraturaning birinchi bosqich talabalari, shuningdek, o‘qishini ko‘chirgan talabalar uchun kontrakt pulini to‘lash muddati 2020-yil 1-dekabrgacha uzaytirilgani haqida xabar berilgandi.
Izoh (0)