Botsvanadagi Karowe Diamond Mine konidan og‘irligi 998 qirot keladigan oq olmos topildi. Bu haqda konga egalik qiladigan Lucara Diamond Corp. kompaniyasi ma’lum qildi, deb xabar beradi “RBK”.
O‘lchami 67x49x45 millimetr bo‘lgan olmos ochiq karyer hududidagi rudani bevosita maydalash orqali topilgan. Ushbu qimmatbaho tosh 2020-yilda topilgan og‘irligi 500 qirotdan katta ikkinchi olmos hisoblanadi. Bloomberg’ning yozishicha, u tarixdagi eng yirik olmoslar beshligiga kirgan.
Yuqori sifatli yirik olmoslarni qazib topish bilan shug‘ullanadigan Lucara Diamond Corp. Botsvanadagi Karowe koniga egalik qiladi.
2015-yilda Botsvanadagi kondan og‘irligi 1111 qirot keladigan olmos topilgandi — o‘shandan u olmos qazib olish tarixidagi eng yirik ikkinchi va so‘nggi 110 yilda topilgan eng yirik qimmatbaho toshga aylangan. 2019-yilning aprelida esa Botsvanada 1,7 ming qirotdan kattaroq olmos topilgan bo‘lib, u rekordni yangilagan — yanvarda uni Louis Vitton kompaniyasi sotib olgan.
Izoh (0)