Ботсванадаги Karowe Diamond Мine конидан оғирлиги 998 қирот келадиган оқ олмос топилди. Бу ҳақда конга эгалик қиладиган Lucara Diamond Corp. компанияси маълум қилди, деб хабар беради «РБК».
Ўлчами 67х49х45 миллиметр бўлган олмос очиқ карьер ҳудудидаги рудани бевосита майдалаш орқали топилган. Ушбу қимматбаҳо тош 2020 йилда топилган оғирлиги 500 қиротдан катта иккинчи олмос ҳисобланади. Bloomberg’нинг ёзишича, у тарихдаги энг йирик олмослар бешлигига кирган.
Юқори сифатли йирик олмосларни қазиб топиш билан шуғулланадиган Lucara Diamond Cоrp. Ботсванадаги Karowe конига эгалик қилади.
2015 йилда Ботсванадаги кондан оғирлиги 1111 қирот келадиган олмос топилганди — ўшандан у олмос қазиб олиш тарихидаги энг йирик иккинчи ва сўнгги 110 йилда топилган энг йирик қимматбаҳо тошга айланган. 2019 йилнинг апрелида эса Ботсванада 1,7 минг қиротдан каттароқ олмос топилган бўлиб, у рекордни янгилаган — январда уни Louis Vitton компанияси сотиб олган.
Изоҳ (0)