O‘zbekistondagi ikkita shakar zavod – “Angren shakar” va “Xorazm shakar” MChJlar ishlab chiqarishni to‘xtatgani va 2000 nafar xodim ishsiz qolayotgani xabar qilingan edi. O‘zAning xabar berishicha, hukumat muammoni bartaraf etish choralarini ko‘rishni boshladi.
Natijada “Xorazm shakar” MChJ 8-noyabr kuni Braziliyadan xarid qilingan xomashyodan tayyor shakar ishlab chiqarishni to‘liq quvvat bilan boshladi.
Eslatib o‘tamiz, 2020-yilning iyul o‘rtalarida O‘zbekistonning ikkita eng yirik shakar zavodi — “Angren shakar” va “Xorazm shakar” xomashyo yetishmovchiligi sababli ishlab chiqarishni to‘xtatib qo‘ygandi. “Gazeta.uz” mahalliy ishlab chiqaruvchilar import qiluvchilar bilan raqobat sababli qiyinchiliklarga duch kelayotganini yozgandi.
“Angren shakar” bosh direktori Rustam Akbarxo‘jayev va “Xorazm shakar” bosh direktori Umidjon Komilovning qo‘shma bayonotida esa yangi xomashyo partiyasi kelgunga qadar uskunalarni profilaktik tozalash ishlari olib borilayotganini ta’kidlagandi.
Keyinroq Angren va Xorazmdagi shakar zavodlari ommaviy ravishda xodimlarini ishdan bo‘shatayotgani haqidagi xabarlarga izoh berildi.
Ma’lumot uchun, “Angren shakar” kuniga 1000 tonna shakar ishlab chiqarish quvvatiga ega, ammo yaqin vaqtgacha ishlab chiqarish hajmi 500-600 tonnani tashkil etgan hamda savdo bir necha tonnagacha tushgan.
Izoh (0)