Ўзбекистондаги иккита шакар завод – «Ангрен шакар» ва «Хоразм шакар» МЧЖлар ишлаб чиқаришни тўхтатгани ва 2000 нафар ходим ишсиз қолаётгани хабар қилинган эди. ЎзАнинг хабар беришича, ҳукумат муаммони бартараф этиш чораларини кўришни бошлади.
Натижада «Хоразм шакар» МЧЖ 8 ноябрь куни Бразилиядан харид қилинган хом ашёдан тайёр шакар ишлаб чиқаришни тўлиқ қувват билан бошлади.
Эслатиб ўтамиз, 2020 йилнинг июль ўрталарида Ўзбекистоннинг иккита энг йирик шакар заводи — «Ангрен шакар» ва «Хоразм шакар» хом ашё етишмовчилиги сабабли ишлаб чиқаришни тўхтатиб қўйганди. «Gazeta.uz» маҳаллий ишлаб чиқарувчилар импорт қилувчилар билан рақобат сабабли қийинчиликларга дуч келаётганини ёзганди.
«Ангрен шакар» бош директори Рустам Акбархўжаев ва «Хоразм шакар» бош директори Умиджон Комиловнинг қўшма баёнотида эса янги хом ашё партияси келгунга қадар ускуналарни профилактик тозалаш ишлари олиб борилаётганини таъкидлаганди.
Кейинроқ Ангрен ва Хоразмдаги шакар заводлари оммавий равишда ходимларини ишдан бўшатаётгани ҳақидаги хабарларга изоҳ берилди.
Маълумот учун, «Ангрен шакар» кунига 1000 тонна шакар ишлаб чиқариш қувватига эга, аммо яқин вақтгача ишлаб чиқариш ҳажми 500-600 тоннани ташкил этган ҳамда савдо бир неча тоннагача тушган.
Изоҳ (0)