Toshkent viloyatida o‘tkazilayotgan huquqbuzarliklarga qarshi kurashish va xizmat faoliyatini takomillashtirish oyligining 15 kuni davomida jami 589 ta transport vositasi belgilangan jarimalarni muddatida to‘lamagani uchun qarzdorlik undirilgunga qadar jarima maydoniga joylashtirildi. Bu haqda Toshkent viloyati IIBB axborot xizmati xabar qilgan.
Jumladan, Yangiyo‘l tumanida xizmat olib borayotgan YPX inspektori tomonidan Spark avtomobili yo‘l harakati qoidalarini buzganligi uchun to‘xtatilib, elektron ma’muriy bayonnoma rasmiylashtirish vaqtida avtoulovning maxsus avtomatlashtirilgan foto va video qayd etish vositalari orqali 2020-yil davomida 37 marta qoidabuzarlik sodir etgani, belgilangan jarimalarni o‘z vaqtida to‘lamay kelgani aniqlangan. Spark qarzdorlik undirilgunga qadar vaqtinchalik jarima maydoniga joylashtirilgan.
O‘zbekiston Respublikasi Ma’muriy javobgarlik to‘g‘risidagi kodeksning 291-moddasida yo‘l harakati qoidalarini buzganlik uchun jarima solish haqida qaror chiqarilgan kundan e’tiboran oltmish kun ichida jarima to‘lanmagan taqdirda, transport vositasiga jarima solish to‘g‘risida qaror chiqargan vakolatli organ rahbarining yozma ko‘rsatmasiga binoan jarima solish to‘g‘risidagi qarorning ijrosi yuzasidan ish yuritish tugaguniga qadar ushlab turilishi belgilangan, deyiladi Toshkent viloyati IIB xabarida.
Mavzuga doir:
- O‘zbekistonda karantin talablari buzilganda avtomobil jarima maydonchasiga joylashtirilishi mumkin
- “16 yoshda oliftalik va maqtanchoqlik ham avjiga chiqadi”. YHXBB O‘zbekistonda 16 yoshdan avtomobil boshqarishga ruxsat berish to‘g‘risidagi petitsiyaga munosabat bildirdi
- O‘zbekistonda yo‘l-transport hodisasini YPX inspektorisiz rasmiylashtirish tartibini joriy etish rejalashtirilmoqda
Izoh (0)