Rossiyaning Kemerovo shahri aeroporti qurilishida ishlash uchun 164 nafar O‘zbekiston fuqarosi 6-noyabr kuni charter reys orqali jo‘nab ketdi. Bu haqda Tashqi mehnat migratsiyasi agentligi xabar berdi.
Ma’lum qilinishicha, mazkur fuqarolarning transport, ovqatlanish, patent va yashash xarajatlari, agarda ishchida kasallik aniqlansa, uning davolanishi ish beruvchi kompaniyalar tomonidan ta’minlanadi. Ularning oylik ish haqi o‘rtacha 40-65 ming rublni tashkil etishi belgilangan.
Mazkur fuqarolar 14 kunlik karantindan so‘ng belgilangan epidemiologik talablar va karantin cheklovlariga rioya qilgan holda qurilish obyektlarida ish boshlaydi.
Qayd etilishicha, bugungi kunda Tashqi mehnat migratsiyasi agentligi tomonidan aholi bandligini ta’minlash, ayniqsa, xorijiy mamlakatlardagi vaqtincha ishsiz qolgan fuqarolarni va karantin cheklovlari sababli chet elga ishga keta olmagan fuqarolarni xorijga ishga jalb qilishga alohida e’tibor qaratilmoqda. Shu maqsadda, xorijiy salohiyatli ish beruvchilar bilan O‘zbekiston fuqarolarini yirik qurilish, xizmat ko‘rsatish va ishlab chiqarish obyektlariga ishga jalb qilish bo‘yicha kelishuvlarga erishilmoqda.
Mavzuga doir:
- “Gazprom” zavodi atrofidagi qurilishlarda ishlash uchun 231 nafar o‘zbekistonlik Rossiyaga jo‘nab ketdi
- Rossiyaning Amur viloyatidagi zavod qurilishida ishlash uchun 346 nafar o‘zbekistonlik jo‘nab ketdi
- O‘zbekistonlik qassoblar Haj mavsumida Saudiya Arabistoniga ishga jalb qilinishi mumkin
- O‘zbekiston fuqarolari Saudiya Arabistoni va boshqa arab mamlakatlaridagi maishiy soha ishlariga jalb qilinadi
- Yaponiyada ishlash istagidagi O‘zbekiston fuqarolariga Toshkentda til va kasb o‘rgatiladi
Izoh (0)