Соғлиқни сақлаш вазирлиги Ўзбекистонда 7 ноябрь куни соат 10:30 ҳолатига кўра коронавирус инфекцияси қайд этилганлар сони 68 367 кишига етганини, касаллик оқибатида вафот этганлар сони 1 нафарга ошганини маълум қилди. Бу ССВ ҳисоби бўйича 581, «Дарё» ҳисоб-китобига кўра коронавируснинг Ўзбекистондаги 600-қурбонидир.
22 сентябрга қадар «Дарё» нашри коронавирус билан боғлиқ кунлик ҳисоботларни тақдим этиб келаётганди. Шу куни ССВ ҳудудларда қанчадан одам касаллангани, уларнинг қанчаси даволангани-ю, қанчаси вафот этгани ҳақидаги рақамлардан иборат жадвални эълон қилмади. 23 сентябрдан вазирлик жадвал беришни тиклади, аммо янги жадвалда ўлим ҳолатлари устунини олиб ташлади. Шундан сўнг «Дарё» нашри ўз таҳлилларини ҳам тўхтатди.
«Дарё» таҳлилларини тўхтатган вақтда нашр ва ССВ ҳисоб-китобларидаги коронавирус қурбонлари сони 19 нафарга фарқ қилаётганди.
ССВ томонидан коронавирус қурбони бўлгани «тан олинмаганлар»:
- 9 ва 15 июль кунлари Олмалиқ шаҳар шифохоналарида вафот этган икки аёл;
- ДХА Навоий вилояти бошқармаси ходими Адҳамжон Деҳқонов;
- Маданият вазирлиги ходими Акмал Ирисов;
- Чилонзор тумани СЭОМ бактериология лабораторияси мудири Марҳабо Аҳмедова;
- Бош прокурорнинг собиқ ўринбосари, Қорақалпоғистон прокуратурасида бўлим бошлиғи Ҳакимбай Халимов;
- Жиноят ишлари бўйича Тошкент вилоят суди судьяси Хайриддин Шермуҳамедов;
- Самарқанд вилояти Тойлоқ тумани прокурори Фарҳод Абдухолиқов;
- Инновацион соғлиқни сақлаш миллий палатаси «Буюк келажак» кенгаши эксперти Санжар Жалолов;
- Бердақ номидаги Қорақалпоқ давлат академик мусиқали театри артисти Жанабай Утепбергенов;
- Ўзбекистонда хизмат кўрсатган санъат арбоби, «Ўзбеккино» миллий агентлиги Бадиий кенгаши аъзоси Анвар Эргашев;
- «Ўзметкомбинат» акциядорлик жамияти бошқаруви раиси Сергей Вюненко;
- Қашқадарё вилоятининг Миришкор тумани ҳокими Ғайрат Бегалиев;
- Шифокор Фаррух Рустамов;
- Хоразм вилояти Қўшкўпир тумани Фавқулодда вазиятлар бўлими бошлиғи майор Дониёр Жабборов;
- ИИВ подполковниги Абдураҳмон Пардиев;
- Жиноят ишлари бўйича Андижон вилоят судининг судьяси Шавкатжон Шодмонов;
- «Миллий тикланиш» демократик партияси вакили, Халқ депутатлари Яшнобод туман Кенгаши депутати Дилдора Умарова;
- Хоразмлик шифокор Бахтиёр Қиличев;
- Халқ таълими вазирлиги ходими Шуҳрат Расулов.
Изоҳ (0)