Toshkent viloyati Piskent tumanida Pensiya jamg‘armasi bosh inspektori 142 nafar vafot etgan fuqaro nomiga pensiya rasmiylashtirib, pullarni o‘zlashtirib yuborgan. Bu haqda O‘zbekiston bosh prokurori Nig‘matilla Yo‘ldoshev raisligida korrupsiya holatlari kuzatilayotgan sohalar hamda vazirlik va idoralarda buning sabab va shart-sharoitlariga bag‘ishlangan idoralararo yig‘ilishda ma’lum qilindi.
Ma’lum qilinishicha, Moliya vazirligi huzuridagi Budjetdan tashqari Pensiya jamg‘armasining 22 nafar xodimi pensiya uchun ajratilgan mablag‘larni talon-toroj qilganligi va boshqa suiiste’molchiliklari uchun jinoiy javobgarlikka tortilgan.
Masalan, jamg‘armaning Piskent tumani bo‘limi bosh inspektori “Xalq banki” kassiri bilan birga 142 nafar vafot etgan fuqarolar nomiga pensiya rasmiylashtirib, jami 86 million so‘mni o‘zlashtirib yuborgan.
Mavzuga doir:Pensiya jamg‘armasi O‘zbekistonda qariyb 9 mln kishi norasmiy mehnat bilan shug‘ullanayotganini ma’lum qildi
Izoh (0)